ਤਾਰੀਫ਼ਾਂ ਅਤੇ ਸ਼ਿਕਾਇਤਾਂ ਕਿਵੇਂ ਕਰੋ

ਸਾਨੂੰ ਕਾੱਲ ਕਰੋ ਜਾਂ ਈ-ਮੇਲ ਕਰੋ

ਤੁਸੀਂ

• ਕੈਂਟ ਪੁਲੀਸ ਦੇ ਇੱਕ ਅਧਿਕਾਰੀ ਜਾਂ ਸਟਾਫ਼ ਦੇ ਇੱਕ ਮੈਂਬਰ ਬਾਰੇ ਸ਼ਿਕਾਇਤ ਕਰ ਸਕਦੇ ਹੋ
• ਕੈਂਟ ਪੁਲੀਸ ਦੇ ਇੱਕ ਅਧਿਕਾਰੀ ਜਾਂ ਸਟਾਫ਼ ਦੇ ਇੱਕ ਮੈਂਬਰ ਦੀ ਤਾਰੀਫ਼ ਕਰ ਸਕਦੇ ਹੋ

ਇੱਕ ਆਮ ਸ਼ਿਕਾਇਤ ਜਾਂ ਤਾਰੀਫ਼ ਕਰ ਸਕਦੇ ਹੋ (ਉਦਾਹਰਣ ਲਈ ਪੁਲੀਸਿੰਗ ਨੀਤੀ, ਸੰਸਥਾਗਤ ਫ਼ੈਸਲਿਆਂ ਜਾਂ ਪੁਲੀਸ ਦੇ ਆਮ ਮਿਆਰਾਂ ਬਾਰੇ।)

ਸ਼ਿਕਾਇਤ ਜਾਂ ਤਾਰੀਫ਼ ਕਰਨ ਲਈ

ਟੈਲੀਫ਼ੋਨ ਤੇ

ਕਿਰਪਾ ਕਰਕੇ ਕੈਂਟ ਪੁਲੀਸ ਨੂੰ 101 ਤੇ ਕਾਲ ਕਰਕੇ ਅੰਗਰੇਜ਼ੀ ਵਿੱਚ ‘ਲੈਂਗੁਏਜ਼ ਲਾਈਨ’ ਅਤੇ ਆਪਣੀ ਤਰਜੀਹੀ ਭਾਸ਼ਾ ਦੱਸੋ।

ਇਸਤੋਂ ਬਾਅਦ ਆਪਰੇਟਰ ਤੁਹਾਡੀ ਕਾਲ ਕਿਸੇ ਦੁਭਾਸ਼ੀਏ ਨੂੰ ਦੇਵੇਗਾ, ਜੋ ਤੁਹਾਡੀ ਸ਼ਿਕਾਇਤ/ਤਾਰੀਫ਼ ਦੇ ਵੇਰਵੇ ਲੈਕੇ, ਕੈਂਟ ਪੁਲੀਸ ਦੇ ਸਟਾਫ਼ ਦੇ ਕਿਸੇ ਮੈਂਬਰ ਨੂੰ ਭੇਜ ਦੇਵੇਗਾ, ਜੋ ਉਨ੍ਹਾਂ ਨਾਲ ਨਿਪਟੇਗਾ।

ਈ-ਮੇਲ ਰਾਹੀਂ

PSD – General Enquiries ਨੂੰ ਈ-ਮੇਲ ਕਰੋ ਅਤੇ ਇਹ ਸ਼ਾਮਲ ਕਰੋ:

• ਆਪਣੀ ਈ-ਮੇਲ ਦੇ ਉੱਪਰ ਆਪਣੀ ਭਾਸ਼ਾ ਵਿੱਚ ਜਾਂ ਤਾਂ “ਮੈਂ ਸ਼ਿਕਾਇਤ ਕਰਨੀ ਚਾਹੁੰਦਾ/ਚਾਹੁੰਦੀ ਹਾਂ” ਜਾਂ “ਮੈਂ ਕਿਸੇ ਦੀ ਤਾਰੀਫ਼ ਕਰਨੀ ਚਾਹੁੰਦਾ/ਚਾਹੁੰਦੀ ਹਾਂ” ਲਾਈਨ ਸ਼ਾਮਲ ਕਰੋ
• ਆਪਣਾ ਨਾਂਅ ਅਤੇ ਤਰਜੀਹੀ ਸੰਪਰਕ ਵੇਰਵੇ
• ਆਪਣੀ ਤਾਰੀਫ਼ ਅਤੇ ਸ਼ਿਕਾਇਤ ਦੇ ਵੇਰਵੇ ਜਿਸ ਵਿੱਚ ਵਿਸ਼ੇਸ਼ ਅਧਿਕਾਰੀ/ਸਟਾਫ਼ ਦੇ ਮੈਂਬਰਾਂ ਅਤੇ ਸ਼ਿਕਾਇਤ/ਤਾਰੀਫ਼ ਕਿਸ ਤਰ੍ਹਾਂ ਦੀ ਹੈ ਬਾਰੇ ਜਾਣਕਾਰੀ ਸ਼ਾਮਲ ਹੋਵੇ

ਜੇ ਜ਼ਰੂਰਤ ਹੋਈ ਤਾਂ ਅਸੀਂ ਤੁਹਾਡੇ ਅਤੇ ਇੱਕ ਦੁਭਾਸ਼ੀਏ ਨਾਲ ਮੀਟਿੰਗ ਜਾਂ ਫ਼ੋਨ ਕਾਲ ਕਰਾਂਗੇ, ਜਿਸ ਵਿੱਚ ਤੁਹਾਡੇ ਵਲੋਂ ਕੀਤੀ ਤਾਰੀਫ਼/ਸ਼ਿਕਾਇਤ ਬਾਰੇ ਵਿਚਾਰ ਕੀਤਾ ਜਾਏਗਾ। ਤੁਹਾਡੇ ਵਲੋਂ ਵੇਰਵੇ ਮਿਲਣ ਬਾਅਦ ਅਸੀਂ ਪੰਜ ਕੰਮਕਾਜੀ ਦਿਨਾਂ ਵਿੱਚ ਸੰਪਰਕ ਕਰਾਂਗੇ।

ਸ਼ਿਕਾਇਤ ਕਰਨ ਦੇ ਹੋਰ ਢੰਗ

ਤੁਸੀਂ ਇੰਡੀਪੈਂਡੈਂਟ ਪੁਲੀਸ ਕੰਪਲੇਂਟਸ ਕਮਿਸ਼ਨ (IPCC) ਨੂੰ ਸ਼ਿਕਾਇਤ ਕਰ ਸਕਦੇ ਹੋ ਜਾਂ ਆਪਣੇ ਪਾਰਲੀਮੈਂਟ ਦੇ ਮੈਂਬਰ (MP) ਨਾਲ ਗੱਲ ਕਰ ਸਕਦੇ ਹੋ ਅਤੇ ਉਨ੍ਹਾਂ ਨੂੰ ਆਪਣੇ ਵਲੋਂ ਸ਼ਿਕਾਇਤ ਕਰਨ ਲਈ ਕਹਿ ਸਕਦੇ ਹੋ।

ਤੁਸੀਂ ਇਨ੍ਹਾਂ ਤੋਂ ਸਲਾਹ ਲੈ ਸਕਦੇ ਹੋ :

• ਸਿਟੀਜਨਸ ਐਡਵਾਈਸ ਬਿਓਰੋ 
• ਰੇਸ਼ੀਅਲ ਇਕੂਐਲਿਟੀ ਕੌਂਸਲ 
• ਪ੍ਰੋਬੇਸ਼ਨ ਸਰਵਿਸ 
• ਲੋਕਲ ਵਾਰਡਨਸ 
• ਯੂਥ ਜਸਟਿਸ ਬੋਰਡ 
• ਕੌਂਸਲ ਆਫ਼ ਐਥਿਨਿਕ ਮਾਇਨੋਰਿਟੀ ਵਾਲੰਟਰੀ ਆਰਗਨਾਈਜ਼ੇਸ਼ਨ (CEMVO)